成長之路

靚仔

2009-07-01T12:02:00.006+08:00

太忙好耐冇update tim~~

呢張係細佬係姨媽屋企嗰天台搽緊太陽油

鏡頭轉番去屋企同佢地玩朱腸粉

我好驚呀....

2009-04-23T22:27:00.003+08:00

可能大家都玩過呢隻咬人鱷魚的玩具, 玩法簡單, 選擇鱷魚口中的牙齒, 後按下...其中一隻會令它的口合上, 好像被它咬一口般.

細佬好搞笑, 每次將隻鱷魚放在他面前哄他玩時, 他就會牙牙語地講: 我好驚呀!

睇下佢個好驚樣, 超搞笑!

2歲啦

2009-04-19T19:01:00.006+08:00

仔仔2歲啦, 為咗佢地嗰生日派對, 咱倆契媽當然全力支持, 仲特登提早係外地回來. 派對當中, 10 位小朋友, 竟然有8位孖呢!

sweet sweet

睇下阿哥見到D泡泡幾開心

小朋友好簡單, 一埋汽球已經好滿足!

新成員

2009-04-05T22:19:00.003+08:00

恭喜, 恭喜 EVA媽.

歡迎, 歡迎KAITYLN成為我地的新成員. 好囉, 我地班AUNTIES又多一位小BB玩LU~~

小Kaityln, 體重7磅11...由於身形較大, 妳媽媽要提早帶妳來到我們當中呢!

BB Kaitlyn好可愛, 這張是她當人仔的第二天, 看她在我靠近say hi及拍照時, 她也立即張開眼跟我們打招呼...哈哈, 看來她將來跟eva媽一定會是一對活寶貝!

為食哥哥

2009-04-05T21:58:00.004+08:00

聽契仔媽講阿哥最近在學堂的一則趣事, 笑到我LOK落地...

話說學堂裡有茶點時間, 老師會首先向每位同學仔介紹當日點心, 然後各位同學仔就一齊唱番首歌仔先齊齊食既...點知老師係阿哥面前"養"緊件點心時, 阿哥吾理3721就一手將件DEMO食咗; 然後當大家唱緊點心歌時, 阿哥又無你咁好氣, 一馬當先將自己面前件點心食埋, 未算喎, 佢好似吾夠喉, 趁隔離阿珍妹仲唱緊歌時, 連佢嗰件都"啃"埋.

我聽完除咗笑到LOK咗落地, 仲不得不超讚阿哥無"汁"輸!

睇吾出人仔細細, 手腳都算快

再附上細佬近照一張...

oh...fork

2009-03-13T10:47:00.002+08:00

一則小趣事:
話說一天哥哥正在用餐之時, 契仔爸剛好從外回家, 當他向姐姐們問起哥哥在學堂情況時, 出現了以下對答:

契仔爸: How's gor gor in school today?
姐姐正要開口回應之際....
哥哥拿起手中义...Fxxk

哈哈,我覺得好好笑!

相片集

2009-03-01T21:49:00.005+08:00

今日同仔仔們去公園玩...哥哥超愛盪鞦韆, 而細佬就真係好好學, 不停係度讀地下既ABC, 反而玩鞦韆就無咩FEEL囉!

搞笑...

2009-01-23T21:55:00.004+08:00

呢排細佬一開口, 就停不了....超級搞笑!

無論大家同佢講咩, 佢就跟住我地講, 最COOL係佢D英文好"四正", 特別係嗰R字. 好多時, 香港人發R音都吾係太好, 但細佬就識捲哂脷喎! 上次細契買咗旦撻比佢地食, 教佢講EGG TART, 嘩嗰TART字...一流啦!

有時睇住D小朋友真係可以忘憂, 有次去到探佢地時已經好累. 點知細佬示意同我玩HIDE AND SEEK, 咁我唯有好懶咁坐係沙發揾對手矇住眼, 諗住可以混過去啦, 因為我知細佬來來去去都係lay响果幾處. 到我開眼時...咦....竟然吾係老地方...原來lay咗係枱底, 重要揾件外套"姐"住塊面....笑到我精神哂....佢好似我成日話"我睇你吾到"咁.

It's nice

2008-12-30T11:04:00.006+08:00

昨夜回家己差不多9時, 獨個兒靜寂地吃飯時收到契仔媽來電, 隱約聽到她聲音中的興奮...原來哥哥讓大家聽見了他的第一句話: It's nice. 對了, 是complete sentence而不是單字喎. 故事源頭: 阿姨媽, 2位賓姐姐帶同仔仔們去會所玩, 怎料哥哥玩得忘形之際, 就說出了It's nice. 3雙耳朵作證, 哥哥好厲害呢. 當大家正開始擔心他說話進度之時, 就爆出一句It's nice....WAHAHA...How Nice! 當時我真不得立即去捉住阿哥哥陪我促膝夜談...

如我所料, 哥哥並不是不懂, 只是不肖我們這班aunties在mum mum, gor gor, bb...這般簡單的覆字會話, 真是一鳴驚人. 我開始懷疑他已經跟細佬夜間在房間裡交談呢...看, 今天我的一句話, 就把大家樂起來了!

另外, 我們每年度的聖誕大聯歡又過去, 今年我多了一個新環節...就是不停地讓仔仔們嗅酒, 我在品嘗每一款不同紅酒的同時, 總會讓他倆先smell一下...哈哈可知他們是多麼的想試, 我想由smell開始, 不久將來, 他們便可與我共嚐美酒了.

除些之外, 當晚另一高峰...bb仔Aidan與bb女Clare的kiss kiss, 也不記得由誰發起, 總之在荒芒下只能拍到這張Aidan/Clare的初吻照.

抱歉...手震咗tim

細佬好enjoy
(小插曲: 由於細佬已經學會26個英文字母, 恰巧當日我穿了一件v領襯衫, 我就用了一些立體教法, 如指著我的v領及v字手勢, 不料去到party, 他指著e媽媽的deep v不停地說v...v....haha)

哥哥嫌我地嘈住佢睇disney tim~~

為食乃人性之表現

2008-12-23T11:14:00.006+08:00

早幾日探仔仔, 嘩細佬幾叻呀, 識講多咗好多野! 其實有時我同細契都係度諗, 究竟佢地有幾認得我地呢...除咗比佢地食野時! 講番轉頭佬細佬有幾叻, 基本上佢已經認得哂26個英文生字, 重識叫daddy, mommy...; 至於哥哥, 就憑佢會sing along, 我就知佢都識哂所有基本動作, 只不過佢吾肯係我地面前講啫.

聽契仔媽講, 上星期細佬試咗人生第一口的酒精 - 香檳...就醉咗囉! 話雖如此, 不過細佬好似幾鍾意dap喎, 有d追酒添...好野, 第日有人陪我飲香檳了.

其實我諗, 凡是新鮮的東西都會吸引小朋友(大朋友也一樣),對他們來說, 任何成人食物都會比他們的奶跟糊仔好味. 所以會百力滋, 薯片, 汽水...等等junk food, 可說是百發百中. 好似昨晚家人出外聚餐時, 給了一口"心大軟"甜品給小sabrina...哇噻...原來眼睛發光是這樣的...

記掛

2008-12-11T13:58:00.004+08:00

忙著的關係, 一直沒有時間去探訪仔仔...很多時只有靠與契仔媽通電話時, 聽到他們在另一端wewewawa的叫, 才能解我相思之情! 在這段時間裡, 沒有時間亦沒有心情執起筆(應該是說打字)...方發現自己的惰性很重....

在台向一位朋友展示仔仔們的照片, 怎料那位媽媽第一句話竟然是問我"大哥是否很頑皮", 我"o哂咀",心想咁勁??? 她立即說, 大部份短硬頭髮的小男生都是比較硬頸/頑皮喎! 哈, 契仔媽...早知吾剃lor~~

好掛住呀

2008-11-20T16:48:00.004+08:00

好耐好耐無見仔仔...好掛住呀

我只有望梅止渴啦!

Babies that make me smile

2008-10-15T17:48:00.003+08:00

These Lemon Babies make me smile~~

食照

2008-10-10T13:17:00.008+08:00

吾知食飯係吾係所有小朋友必定的扭計位呢? 睇下阿哥食到che哂頭髮, 細佬就食到飛哂腳...攪到我嗱嗱啉叫番賓姐姐喂, 情願影下相好過.

細佬...好鬼馬

2008-09-23T11:19:00.005+08:00

最近見細佬, 覺得佢鬼馬咗好多. 可能因為佢互動性較強, 所以好多時吸收新動作或玩意也容易d. 其實阿哥都吾弱, 不過就係正宗頑皮仔一名, 周屋走不願停下來! 其實佢地咁樣一動一靜都好, 起碼大家能互相照顧, 以補大家不足之處.

細佬超好笑, 只要你拿著部相機同佢講"影相啦, Smiling Face", 佢就會e起棚牙仔, 笑到見牙吾見眼!!

細佬跳舞 - 扭頭扭計

2008-09-15T17:25:00.006+08:00

早排好忙, 攪到我都吾得閒處理一直影落既相同VIDEO. 時間一久, 很多即時的感覺也會隨之淡化, 所以只好將部份印象較深的相片/VIDEO來分享. 以下呢段VIDEO應該拍於早一個月左右, 嗰晚我同細契又自己"共"咗上去探仔仔; 題外話, 話說他們大廈的看更也已經認得我倆, 每次進去時, 他都好自然的問我地: E, 又嚟同對仔玩呀? 開始時都會吹下水, 久而久之, 我同細契講, 做咩jet, 下次答佢話我地嚟探佢, 又睇佢點反應先!

講番段片, 重點有三:
- 佢地開始跟著電視的教育vcd講 A, B...
- 點解阿哥瘦左咁多, 皆因佢每日就係咁係屋企行來行去 (超搞笑, 每轉行來行去都有不同的面部表情)
- 細佬呢隻扭頭扭計舞好懷舊, 最好笑留意尾段佢扭到個人都差D暈低.

抱歉成段都充滿著我既笑聲!!

小Sabrina一歲啦

2008-09-15T17:07:00.005+08:00

上星期係小SABRINA的一週歲生日, 全家人專登一齊食番餐. 雖然小B女都只係得個睇字, 我地都吾會獨食, 咩都比佢試下咁. 好明顯獨沽一味 - 牛奶係好悶, 所以當佢試到不同的美食時都會"lam lam lei"....

最得意係佢啱啱瞓醒時個樣好呆, 但係試食完d大人食物時就吾同哂. 睇嚟呢個都係為食妹一名.

大細佬爭奪戰

2008-08-13T10:57:00.008+08:00

上次細契拍低呢段超好笑, 個file太大, 已轉載到

http://hk.youtube.com/watch?v=odHf8Kw2S0U

另外, 得知大細佬的姨姨們是這blog fans, 精彩照片, 為你們不斷送上!

大件事 - 哥哥...

2008-08-12T11:30:00.008+08:00

星期日返緊教會之際, 收到細契的sms話哥哥隻手仔被熱水燙傷咗, 真係嚇到我個心仔都跳左出嚟.立即同契仔媽了解下情況啦, 好彩吾係太大件事; 等我從教會出嚟打比細契時, 佢話佢已經係醫院...吓...又話無事既, 點解會走咗去醫院呢? 背後傳來哥哥淒涼的哭泣聲, 哎呀, 搞到我都吾記得自己腳痛, 奧運競步咁走去醫院. 入到門診時已經聽到走廊尾哥哥的哭聲, 到我進房間時, 見到契仔媽抱實仔仔, 細契+2位護士姐姐同阿仔係度博鬥, 皆因佢吾係比姐姐們搞隻手仔.
現場所見, 佢隻手仔已經搽咗藥膏, 我只係見到手指位有d紅.
事源係xx(大家估下邊個啦)抱著哥哥洗手仔, 點知先前既水管內有殘餘熱水...就係咁哥哥的小手就變咗隻小豬手啦!

哥哥係醫院無哂精神

同場加映 - 我都扭親手喎!!

之後我地送哥哥返屋企, 順道探下細佬...好叻呀...踎塔呀...好彩隻鴨仔係雀仔上面啫, 無走光.

無聊嗎

2008-08-05T11:14:00.008+08:00

聽契仔媽講, 而家仔仔們係屋企好似好百無聊賴, 成日只係行嚟行去, 玩具都吾多玩. 聽上去都幾搞笑, 誰說我地大人既standard先啱呢? 難道專登揾好多野去occupy自己, "好似好忙" 對嗎? 不曉得他們心中會否覺悶呢? 但我又怎能向他們解釋無牽無掛之妙呢!

原來要兩個百厭仔站好拍照一點也不易
 1號頑皮仔

細佬要超讚 - 只要同佢講"影相啦, 笑吓啦" - 完全配合

契仔媽後來教了我們一個簡單, 但效果什佳的小遊戲! 人造浪, 材料只需床單一張及無盡精力, 就可以令他們咭咭聲笑!

偏心? 無d咁既事

2008-07-23T17:29:00.009+08:00

眾所皆認為我一向偏心哥哥, 我當然否認...
細契話細佬而家多d動作, 我又偏心細佬喎, 我當然否認...
無可否認, 兄弟倆的性格又真係一路在變. 回想他們少時(bb仔, 未識行既時候), 大哥肥dud dud, 成日對住我地(ok, 我啦)笑, 真係搞到我個心仔都軟哂; 相反, 細佬就cool好多, 除了爹娘, 他眼中只有小賓姐姐...無論同佢講野或玩都吾肯, 你咪話吾hurt! 奇就奇在佢地大大下轉哂性喎, 大佬變得好cool (好彩仲肯比我抱抱), 而細佬就好玩到爆!
放心啦契仔媽, 我會等佢地大d先比呢個blog佢地睇啦~

比你先暏下佢地對新cros啦!! 諗下d色顏色點分配先...我專登放埋自已隻腳係度比你做比較

與"君"一席話

2008-07-10T15:26:00.008+08:00

好耐無做家訪, 早兩晚上特登去探仔仔, 同細契諗住叫外賣...可以試下PIZZA HUT個扭扭批, 點知阿契仔媽特意叫賓賓整5餸1湯住家飯比我地...嘩,梗係好啦...而家諗番都仲回味喎!
個晚去到, 一開門就見到兩個人仔走出來嚟歡迎我地(當然係八卦多d啦), 心裡的感慨立即就"標"哂出嚟! 我同阿細契講, 當時腦中浮出的"開門幕"還是他們靜靜的睡在搖椅裡...
在我們餵反時, 忍吾住同佢地講我真係由細睇住佢地大...呢個係佢地個樣囉....無奈..不過我當佢地明架啦!

當晚飯後閒談之際,話題轉到父母/子女的關係; 明白到事情從子女與父母的角度中出發亦總存有些矛盾, 交談後讓我思考了多一些, 也明白了多一些. 多謝與"君"的一席話.

另附上細佬的趣緻表演

同場加演: 細佬人生的第一啖 Cream Soda (hehe...睇嚟佢麻麻地..好彩)

PlayGroup

2008-06-30T14:30:00.006+08:00

昨日隨契仔媽及細契一起到訪仔仔們的PlayGroup. 實在是孤陋寡聞, 這也是我人生第一次的PlayGroup呢! 回想童年時代, 我們的娛樂也只是與鄰居小孩, 一起在大廈的公共空間跳飛機罷了, 又怎會刻意安排這些群體活動. 活動完後, 2位仔仔倒頭便睡, 說實我們又何尚不累?
回家途中在想這些"玩組"的目的何在? 只見活動中所有家長也比他們的小孩來得投入, 我的結論是"玩組"的 Target Audiences原為家長.
表面上, PG給我的感覺是: (i)讓家長與小孩一起參與互動活動; (ii)讓小孩們更合群; (iii)讓小孩學得思考? 在參與過後, 我反而覺得給小小孩的群組是為家長而設的多一點吧. 試想這群一歲的小孩, 很多連簡單說話也吾能掌握, 又怎能夠明白PG老師為他們訂下的種種難關呢? 至於學習合群, 我也不見得小孩們懂得互相問好打招呼! 至於有些指定動作, 如彈跳或跨越障礙等, 也不全是由家長們幕後操刀. 所以我個人認為, PG的真正對象是小孩的家長. 對仔仔們而言, PG無疑是一個有很多玩具的地方多於...

心掛掛

2008-06-27T11:47:00.003+08:00

成個月不停咁出差, 攪到我好耐無見到d小朋友...個心幾囉囉攣!
在我回家當日,咁橋小sabrina上黎食反, 重算比我d抑壓童心可以發出來, 起碼出差時的各種疲勞及苦況都可暫時拋諸腦後! 我不只一次說小朋友的成長快速, 每次看見他們都總覺得他們又大個左! 也一不能不感慨, 小朋友一天一天的成長, 我們作為大人的能否適時適當地為他們預備好呢?

與小sabrina闊別不夠一個月, 她已經長出第一顆牙齒, 腳仔也變得有勁兒...也依舊的愛玩愛笑!

另外, 從契仔媽處得知仔仔已被維記Playgroup接納, 7月開學. 我聽到的心情也莫名興奮...佢地好多就開始人生的社交接觸啦. 不過, 心中也有點擔心文質彬彬的細佬擔心, 睇嚟都係時候交帶下阿哥要照顧佢.

這個星期日我會跟大隊去他們的playgroup探訪喎, 今晚要擦定部相機先!

意外

2008-05-27T10:19:00.004+08:00

從契仔媽處得知細佬跌親, 兼整親個咀仔搞到成口血. 哎呀, 我聽到都暈左一暈! 好彩無破相! 令我有感而發是當她說, 這個滿口鮮血的情景困擾了她一個晚上.
作為父母, 子女的一髲也能牽動他們的心. 第一步, 第一個笑容, 第一句說話, 總是讓各父母不其然回心微笑. 相對的第一次生病, 第一次意外亦能令各父母心緒不靈. 在小孩的成長過程中, 小意外一定會發生, 不知契仔媽又會面對多少失眠夜!
在我們的成長路上, 更需要學習的是如何面對, 正所謂不如意事常八九, 既然躲不了, 倒不如積極點動動腦筋.

山頂行

2008-05-13T10:11:00.012+08:00

趁假日我們選擇去山頂吸下新鮮空氣, 醫飽個肚後就開始漫步一圈. 食反時, 2個仔仔都瞓著咗, 臨開步時我地就急不及待叫醒佢地. 吾知係咪咁, 哥哥全程無表情, cool到震...

哥哥個陸軍頭超得意

相反, 細佬對每件新事物都充滿好奇心, 不論路過的小狗或樹上的蝴蝶都可以讓他樂上一會.

假日的山頂雖然人較多, 但紿終為一個好散步的地方. 絶對是合家歡路徑. 今次的心情相對較優閒, 所見所聞也較以往多.

契仔媽就聽得多, 點都輪到契仔爸出場啦! 倆父子都好似呵...個背面

行咗一小時, 我的雪糕癮大發...就係呢條香蕉船...攪到我比契仔媽話...

原來cafe deco裡還有一兒童角落, 倆兄弟當然被引過去, 睇嚟哥哥對lego既興趣都幾大喎.

一世紀聚舊

2008-05-08T17:01:00.006+08:00

自大學畢業後, 除了部份一同回流香港的舊同學之外, 其他的當地同學都是沒有再碰過面. 人大了, 多了思舊, 所以得知細契的舊"老味"回港探親, 我們大家都抽空見面. 多過一世紀的闊別, 有種人物依舊的感覺; 說實的, 如何濃縮或總結過去十多年的光境? 宏觀來說"無穿無爛", 微觀的話"一言難盡".

席間向老朋友顯示了一些契仔仔們的照片, 比較其中3張細佬的相片, 我們也不自覺有點驚訝於他們的成長速度. 轉眼間, 他已經由一個bb仔長成小男孩了! (難得我們這群aunties keep得好)

攝於本年2月在家中

4月於維多利亞公園

家中近照

光頭仔家訪

2008-05-02T13:39:00.005+08:00

上星期得知大佬剃光左頭, 便一直想見下佢地. 適逢昨日勞動節假期, 便乘機叫契仔爸媽同埋班aunties一齊上我處坐下! 其實從3G電話中見到阿哥個光頭樣, 我已經笑到哈哈聲, 太似一休和尚啦! 到見到真人時就覺得更加可愛, 大家不停係咁摸佢個光頭時, 可能佢都覺得搞笑, 自已都笑埋一份. 聽契仔媽話, 最好笑係帶光頭仔返到屋企, 阿細佬好似吾係好知佢係邊位, 重要去摸下佢個光頭囉...

噚日得知兩位仔仔光臨, 一早拿拿臨起身係咁意執下屋, 真係要認真做先發覺原來我間屋吾係好適合幼童囉, 好多角位同玻璃...好彩, 我都有好多玩具同卡通片比佢地選擇! 坐下坐下, 成班aunties/uncles都好懶洋洋, 睇哂成套 Finding Nemo終於出動, 帶佢地去樓下的公園仔玩, 不過最搞笑係吾到5分, 竟然落雨, 大家唯有無奈地好開心咁返屋企繼續坐. 當我地傾到亂哄哄時, 原來2個仔仔已經瞓到zzzzz

契仔媽預定位放部Grand Piano啦

打針之後

2008-04-26T20:54:00.008+08:00

今日契仔媽帶左仔仔們打一歲d針, 由於擔心佢地有反應, 所以都吾敢帶佢地出去玩!

趁契仔媽出左街, 阿哥又睡著左, 我同細契便嗱嗱淋帶咗細佬落街...買野食.

比阿仔自已選

因為阿契仔媽係度講故仔...

細佬好乖喎!

原來大哥一見到人玩小明就會好開心呢!!

一歲啦啦.....

2008-04-25T16:28:00.011+08:00

真係吾經吾覺咁就識左佢地一整年, 每次見面的情景都一轉眼間出現在腦海裡. 為左慶祝仔仔們的生日,我還做了逃學威龍添, 一放工就同阿細契上仔仔屋企. 我無咩新意買左d衫仔比佢地, 都係阿細契有心思. 竟然買左個迷你電子籃球架比佢地. 我地仲早過阿契仔媽返到去, 哈哈, 我地梗係自己拆開嚟玩啦! 為咗令佢地用最短時間明白入樽原理, 基本上我就玩得開心過佢地小小!!

基本上我相信佢地都吾係好知發生咩事, 只係知道有成棚人圍住佢地又唱歌又拍手....

不過, 我相信小朋友點都會被我地既情緒牽動到嘅!

維園百厭仔

2008-04-14T11:49:00.011+08:00

星期六同仔仔們去左維園餵蚊...玩. 起初佢地好似無咩心情, 都吾知佢地係吾係驚過頭, 玩千秋時仲估埋pao腮添, 細佬就比較騰, 握到條手pang實一實.

後來都係細契醒目, 跑左去買吹泡泡番嚟, 佢倆個(連同其他同場差吾多20個小朋友)都撻著哂.

其實玩得最開心嗰個緊係我啦, 因為細契仲買左支童年玩物, 膠膠地既吹波比我玩!!

今次field-trip後, 再次證實哥哥為百厭仔一號, 吾理3721, 自已四處走...嘩我地吾細啦, 吾係下下都追得貼! 細佬就依然其實係為食仔一名, 我諗第日佢實肯跟我四圍揾美食啫.

其實一路睇住佢地,真係覺得大得好快! 有d吾捨得佢地既成長速度!

呢張相係吾係好Macro-economic廣告呢?

呢張門牙相就趁哥哥喊緊時突襲

浸禮

2008-03-25T11:19:00.006+08:00

好高興出席左剛滿一歲的Clare的天主教浸禮儀式. 31位5歲以下的小朋友隨著父母及代父母在特別的復活節日裡接受這份祝福. 由於較少接觸天主教的儀式, 總覺得教堂的氣氛比較莊嚴. 當天小clare的狀態一般, 響亮的哭聲也真震撼!! 說實的, 看見那麼多像天使般的小孩也真令人感動.

爆光後有點神聖的感覺

受洗過後的小天使

會心一笑

2008-03-20T17:14:00.004+08:00

這些都是我長放在相機及手機內的相片, 心情down down地時會令我再笑番...

Studio 一遊

2008-03-09T17:36:00.005+08:00

上星期兩兄弟去影樓留倩影, 咁高興既日子, 我同細契當然跟去八八.

一見到兩個靚仔, 我地都吾知幾開心. 最高興係哥哥一見到我地時就笑, 真係個心都軟哂. 其實呢, 細佬都好咗好多啦, 起碼比我地抱下, 然後先喊! 在整個拍攝過個程中,他倆分別有數個不同造型, 而我印象最深刻的莫過於一輯脫光照, 不知小孩是否也會覺得這類艷照不妙, 所以兄弟倆不停地哭, 哥哥還不停地拍著心口呢!
這張偷拍細佬-鋼琴演奏者 (他天真的對音樂有著很強的興趣喎!)

吹...波波

2008-03-03T10:25:00.006+08:00

聽阿契仔媽話哥哥有次係公園見到人地吹番皂泡好興奮, 咁我同細契尋日就成套"gar餐"去同佢地玩. 去到先知細佬瞓緊, 咁我裝入房時, 大佬又咁橋"裝"出嚟...無見一論, 佢當然係又大個咗, 高左之餘, 連個樣都大個哂, 好一個小男孩! 直係點睇都吾似得10個月囉.
吾知而家d奶粉營養真係好d, 眼見周圍的bb都快高長大得好緊要, 睇怕香港都好快可以出nba高人lu~~
除左d細樽番皂泡外, 我地仲帶備大泡泡, 諗住將仔仔成個人藏在泡泡裡. 哥哥起初也很雀躍, 但係玩左一輪就失哂mood, 也許佢仲細, 都未識去追泡泡! 一如細契所料, 不但只我玩得比仔仔更高興, 我仲同公園內其他小朋友一齊玩添, 在場仲有個媽媽讚我有一手呢? 我都係時候諗下轉行lu~

玩完返屋企, 同哥哥洗完白白後吾使問就緊係搞醒細佬啦. 聽閒佢倆兄弟開始互不相讓咁爭玩具啦, 我緊係要現場拉闊啦. 可能我地在場太揚啦, 佢地竟然吾so我地喎!

講開佢地兩個都開始出牙仔, 原來小朋友出牙都一定係下門牙開始, 吾知老時又係吾係呢兩隻先luck呢? 我諗佢地一定係勁發牙痕, 真係比咩佢地都咬一餐!

One more on the way

2008-02-29T16:22:00.003+08:00

上星期收到多年老友阿靜的發佈, 大家期待已久的小靜靜將會今年稍後的九月出世. 我們一班長輩auntie昨晚敍首晚飯, 向靜媽祝賀. 我急不及待所有小bb長大一點, 可以陪我去麥記搞生日會呢! 身材一向嬌小的老朋友, 3個月的胎兒在她身上十分突出, 幸好她身手還算敏捷, 也沒有太大的不適應. 不過我們這班八auntie郤指出她的胃口是最明顯的改變, 我們的口說不停, 她郤吃不停!!
老朋友的敍會份外忘形, 我們無所不談, 不知不覺間, 只剩下我們最後一枱.

(不知小靜靜會否如老媽般搞野)

乳豬仔....好味道

2008-02-26T17:42:00.004+08:00

無見小娃娃個多星期, 佢又好似高咗! 由於早兩晚全家人食反, 不得不讚下呢個bb女, 2枱麻雀4時正開始, 佢就自己響bb車度瞓覺, 醒左又自己係度玩手指...完全係各有各玩, 無問題. 我就最遲先到, 最正係佢瞓醒見到我就係度笑, 同佢講野咩, 佢就笑到咭咭聲, 真係令我d倦意全消. 講開又講, 個晚隻乳豬好好味...望下隻豬, 望下bb, 我都想一"擔"咬落下囉!

小情人

2008-02-15T14:33:00.006+08:00

趁食反前有時間, 又騰去探下仔仔. 一到門口, 已經見到阿哥同細佬分別爬出黎迎接我地...比起上星期, 佢地明顯精神番好多, 因為不停咁四圍走, 一時要抱, 一時又要落地...總之短短一小時就讓我變得筋疲力盡!
細佬也真是很愛哭, 小小不如意時便可哭出淚來! 不過, 最有趣是細佬哭時, 我轉向哥哥叫他叫細佬不要哭啦, 怎料哥哥竟然對住我地笑! 不知哥哥笑我們"天真"還是"傻"呢? 相反哥哥真得頑皮得很, 無時停, 一下子要你抱起他, 但轉眼間他又出盡力要落地; 總之就四週走, 睇少眼都不能!
成地玩具把我弄得頭都大哂

灌籃細佬

新年娃娃

2008-02-09T16:46:00.004+08:00

最近的冷天氣令我身邊好多小朋友都生病了. 除了契仔仔外, 小Sabrina也在過年前得了發燒. 在過年時看到小sabrina, 覺得她好像突然長高了, 家中大人立即說"小孩嘛, 生病後都會長高呢!" 我又傻傻的想, 如果這種現象是會持續的話, 我現在會有幾高呢?
小娃娃剛睡醒便對著我笑

大年初一, 小娃娃隨著父母到我家拜年時, 穿上一身傳統服飾, 最搶眼的當然是我從日本買回來的粉紅色Adidas球鞋. 除了自己外, 我這個Adi迷還為契仔仔及小sabrina添置不同款式的波鞋哦!
看看小娃娃咀lam lam的模樣, 說穿了是因為我們忍不住讓她品嚐了一些過年糖果!

這個小妹妹真的很乖, 每次看到她總是靜靜地自己坐著微笑. 只要一抱起她, 就例必開口大笑, 最近發現她開始愛上了玩凌空飛這個玩意! 每次起飛, 她就會笑得咭咭聲...把全家(男女老幼)都一齊陪佢咭咭笑.

瘦了一圈 - 好心痛

2008-02-09T16:34:00.003+08:00

不停的出差令我已整整一個月沒見2個仔仔, 過年前得知他倆病倒 - 得了氣管炎及腸胃炎, 除了令契仔爸媽擔心外, 肚瀉的問題亦令他倆也不能好好地進食. 每餐只能吃醫生所開的藥, 嘩我聽到都無胃口啦.

初二的下午, 帶同於日本所購的bb Adidas波鞋去探他們(我亦有一對成人版哦), 遠在門口已經聽到他們的哭泣, 至見到他們後...倆兄弟都瘦了一圈, 落哂形咁, 攪到我個心都痛哂. 最懷念的是細佬的小肚腩呢! 在我到達之際, 原來正值他們的拍痰時間到, 一個跟一個, 在我抱哥哥入懷時還好好的. 怎料一進房看見成套行刑架"餐", 他便立即嚎啕大哭. 小孩子拍痰需要3人在旁侍候, 一個按頭, 一個按腳, 一個拍痰. 看見哥哥那楚楚可憐的樣子, 我真的會拍不下去呢.

2個想不到, 雖然他哥兒倆未完全康復, 但對每件玩具的雀躍程度也不減哦!
第一個意想不到的是, 哥哥已經可以完全掌握獨立站立及輔助步行. 捉住我2隻手指, 他還主動帶我繞屋一週呢!
另一個意想不到是當兄弟倆在地上玩耍時, 細佬竟然一反常態地去搶哥哥的玩具!!
哈, 我不禁想, 到佢地大d識講野時, 這個家也真的很熱鬧呢!

落哂形的哥哥
在吃藥的細佬向我偷笑呢

閃電成長

2008-01-29T16:37:00.001+08:00

由於工作的原故, 有幾個星期無探對仔仔, 好掛住佢地呢! 而家唯有從契仔媽口中得知一些佢地既最新進展!!
上次探佢地, 哥哥已經可以自己借力站起來, 細佬還是努力地爬行; 不過細佬就好似係嚎啕大哭時叫了聲"姐姐"(當然是叫賓賓姐姐). 不過, 據契仔媽轉述, 哥哥已經由一步去到五步啦; 而細佬就由姐姐去到爸爸...哈哈真有趣! 聽說他們早前到海洋公園時, 哥哥對鳥類很感興趣, 而細佬則對魚類有反應. 2兄弟, 雖然雙生, 郤有著兩種性格及發展!! 有時會不禁想他們長大一點後又是怎樣呢?

領悟

2008-01-09T10:14:00.001+08:00

最近在看一本好書"選擇放下, 就能活在當下", 其中一篇的內容用了花作比喻, 題目為你是否能聽見花開的聲音? 其中一節談到有些人對養花最大的恐懼是當花兒枯萎了會難受, 作者謂: 花兒本來就和人一樣, 生生滅滅, 所以會枯萎, 會凋謝, 都是很正常的. 只要接受它們, 就是愛花的表現. 那跟飼養寵物不是同一道理嗎!
我想與眾父母分享的另一節是: 養花猶如養孩子一般, 花早澆水過多, 根部就會腐爛; 忘了澆水, 花草就會乾枯而死. 好比親子問題一樣, 過份的溺愛是會讓孩子迷失自我; 反觀, 愛得不夠又會令孩子的內心跟花一般乾枯...何謂愛得恰當? 相信沒有一個標準答案, 我只是覺得應該在孩子身旁讓他們去經歷, 之後一同分享才能讓他們學懂成長.

xmas party

2007-12-28T11:05:00.001+08:00

過左咁耐, 終於啲起心肝整理番平安夜派對d相...
嗰日都算人齊, 我地班auntie/uncles全體出席, 仲要3位小人仔都一早到左. 一如去年, 主辦當局早已為我們預備各大酒莊的出產, 正所謂佳餚美酒, 良朋共歡, 大家都吃喝玩樂得十分盡興. 特別係當我晚我地玩Secret Santa, 真的發覺老朋友真的對大家都很了解.

當晚戰績不錯, 起碼大家都能夠以平穩腳步離去

哥哥好活潑, Clare好...聖誕

Secret Santa

2007-12-24T09:19:00.001+08:00

When Sai kai and i went to deliver our xmas presents to the boys on 22nd, 契仔爸媽were both busy installing the new walker! Walker?! Wow, time really flies...while i m still constantly looking at their new born photos. Anyway, they both tried the new toy - walker, apparently gor gor had done a better job walking backward, while sai lo was too excited about the new toy and could not figure out what he was supposed to do!
Sai Lo looks so lost...

Back to our present, we deliberately brought them a French/English talking table, to meet the multi-lingual scheme set by 契仔媽...hehe
We also discovered the gymnastic potential in sai lo, although he could crawl too well, but look at how he reacted to the new toy!

細佬叻番次

2007-12-24T09:12:00.001+08:00

早幾日得閒, 又心思思掛住仔仔們, 咪去咗探佢地. 由於出牙仔的原故, 兩位少爺仔d脾氣都麻麻地, 攪到全程都要賓賓姐姐傍住. 由於契仔媽不在, 我係咁捉住佢地兩個聽我訓話, 當然我有我講, 哥哥3秒3就爬開去, 得番細佬傻傻的望住我....! 到左開飯時更加大開眼界, 哥哥完全坐吾定, 又唱歌, 又講野先肯食一啖; 反而細佬就好合作, 飯來開口. 從呢個情景可得知點解兩兄弟d size完全向兩個方向走. 講開食物, 佢地而家開始食infant cereal, 話說我懶醒買左隻lotus seed味比佢地, 點知佢地原來鍾意蘋果味...!

細佬除左食飯叻d外, 個日竟然重比我拍到呢段絶密片段. 契仔媽, 吾使擔心喎, 我拍完後就分開左佢地啦!

再戰數碼港

2007-12-17T14:22:00.001+08:00

上星期六係數碼港啱啱做完個job, 就收到電話知道阿契仔媽連同auntie loretta/uncle victor帶住仔仔入緊嚟, 咁我就緊係精神哂啦. 哥哥就係比我上次見佢瘦左啲, 但人長了不少; 反觀細佬係正宗肥仔一名, 我攬住佢不知幾舒服. 吾知點解, 哥哥出街既時候係cool啲, 仲要係次次都會瞓覺!!

行左一陣, 係我地坐低飲杯tea先之際, 竟然比我睇到細佬個為食樣...哈哈. 話說佢女朋友, 阿賓姐姐抱著佢係啫食緊野, 細佬對眼係完全跟著隻义, 而佢個咀仔d拍字係跟阿賓姐同步進行囉...名符其實為食仔一名. 我地呢班auntie笑到咭咭聲, 跟著快快手比d食物佢食, 又麵包, 又果jam....佢都吾知食得幾津津有味. 照我估計將來佢一定肯陪我呢個為食契媽去街街啫!!!

玩還玩, 仔仔倆真係好跟阿賓姐喎. 睇見佢地對住我係咁已笑下, 我已經開心到不得了; 反觀阿賓姐出手, 莫講話笑下, 笑埋出聲都仲得...真係有啲呷囉...

進化論

2007-12-14T10:15:00.001+08:00

2007年12月11日
哥哥第一次食粥仔啦....

果晚同契仔媽通電話得知哥哥呢排吾係太肯食野, 竟然由加大縮落大碼. 哎呀! 聽到我個心都痛哂, 我最鍾意就係佢地啖啖肉gar mar... 就係阿契仔媽一發現哥哥對米芝蓮腳仔開始消失時, 第一個應變cho施: 豬肉粥. 話說個日阿契仔婆係屋企主持大局, 仲加左d雞蛋落d粥到比哥哥食, 嚇到阿契仔媽三魂吾見七拍, 因為第一次食粥就落重料, 驚阿仔會過敏呢! 講番轉頭, 細佬就好似越食越開胃, 佢見到咩都流露出一副蠢蠢欲"食"既樣, 手仔攞到既都擺落口. 計我話, 佢直頭可以玩bb版味分高下囉. (阿細佬肚腩肉好勁呢!)

另外, 聽聞阿哥已經開始全屋爬, 見到d扶手就自己企起嚟! 你話人生幾有趣, 細時就努力要企起身, 到左我地大個d呢, 行兩步就話要坐低飲野!!

緣份

2007-11-27T14:14:00.001+08:00

都話同對仔仔有緣份, 星期六同佢地玩完成個散哂, 諗住星期日同細契去睇場笑片放鬆下. 點知去到element時竟然比我地發現仔仔既踪跡喎! 原來契仔媽帶左佢地黎行街!
不過個日哥哥心情麻麻地, 不停係度扭計...可能商場人多原故啦, 呢個仔大個左吾知會吾會似我吾鍾意出街呢? 係都好喎, 佢咪可以陪我玩wii囉...hehe

細佬最新光頭look

目暏著小孩的成長確是一件賞身樂事, 特別是較多接觸的仔仔及小sabrina. 每一次我都覺得他們"又大咗", 回到家時, 總是會回想他們當初靜靜地躺在我懷時的情景!

西貢遊

2007-11-26T11:25:00.001+08:00

呢排天朗氣清, 係郊既好日子. 星期六就專登約埋小Clare同仔仔們, 乘機等我地班爸媽/契媽敍下. 諗起個日都好開心: 兩對父母, 三個BB及四個契媽...day end大家都散哂!
好耐無抱著遊玩既心情去西貢, 所以今次真的可以看清楚一點. 整體而言, 西貢市中心3多: 洋人/狗/bb, 但我略嫌市區空間/設施不足. 難道所有人都只得集中在一個超級海旁及厠所廣場? 我必要再回去發堀多d新玩意先.

我地之後去左小clare家玩...應該係睇佢地玩先真! 我感言小朋友本身就是magic, 他們的每一個舉動皆能令我們各人笑不合咀來. 講番d小朋友, 由於3個bb都準備出牙之原故, 佢地直頭係所有野都放落口...奉勸各家長, 保持家中衛生!

特別好笑位 - 細佬吾識爬, 只懂揾個肚腩頂住個地扮Sky dive

成長過程

2007-11-22T17:17:00.001+08:00

撰寫回鄉遊時, 在處理袓父母的一位老鄰居照片時, 眼角看到了放在電腦旁仔仔的相片. 有點感觸, 7個月大的仔仔無牙照 vs. 90歲的婆婆無牙照; 老生常談, 人來時/去時都是身無一物, 重要的是過程吧. 我沒有能力談人生的意義, 至於人生過程...我也身在其中! 每個人都有不同的生命意義, 我想重要是知道自己的意義是怎麼, 我們會出現在其他人的生命中, 但絶不可以共活在同一過程裡. 每個人的得著都不一樣, treasure every moment, there is always fun in it.

想深一些, 小孩的來臨, 以致他們的成長(心理上)都是幕後安排於父母手上; 我明白契仔爸媽都對仔仔們有不過的部署, 在我以言, 我倒只希望他們能成為一個快樂的義人.

越來越不懂

2007-11-19T15:32:00.002+08:00

個人分享, 最近聽了一隻歌 (不知屬於新定舊)...總之好好聽好感動

越來越不懂 - 蔡健雅 (click to listen)
作詞：蔡健雅　作曲：蔡健雅　編曲：Leo Lee

在我22歲時　回想起當時多麼想談戀愛　媽媽說就讓他來
然而在我32歲時　發現我沒太多的心去等待　他失去某種色彩

得不到的就更加愛　太容易來的就不理睬
其實誰不想遇見真愛　愛得絕對　愛得坦白
以為遇上了就會明白　但每次它只留下驚鴻一瞥的感慨　我越來越不懂愛

才32歲的我　雖然一個人過也過得夠精彩　偶爾再想談戀愛
然而愛總是亂了節拍　我只能夠瞎猜　也許能中了頭彩　中了又覺得奇怪

得不到的就更加愛　太容易來的就不理睬
其實誰不想遇見真愛　愛得絕對　愛得坦白
以為遇上了就會明白　但每次它只留下驚鴻一瞥的感慨　我越來越不懂愛

得不到的無所謂　就算是自我安慰　沒必要傷悲

得不到的就更加愛　太容易來的就不理睬
其實誰不想遇見真愛　愛得絕對　愛得坦白
以為遇上了就會明白　但每次它只留下驚鴻一瞥的感慨　我越來越不懂愛

以為遇上了就會明白　但每次它只留下驚鴻一瞥的感慨　我越來越不懂愛

什為都不懂

Sleepy Baby

2007-11-19T11:39:00.004+08:00

早兩日同仔仔玩完, 回氣後就到探訪小sabrina. 相比之下, 只有10週的小妹妹立即可以單手應付. 小bb還是十分愛睡, 但我們這些頑皮長輩又怎會容易放過她呢? 她十分趣緻, 就算是睡著, 只要聽到媽媽的聲音就會笑起來. 我們直的沒有停, 又要食野, 又要談天, 更要不停地tickle她....因為她那睡眼惺忪的樣子實在太可愛了!

Cyberport

2007-11-19T11:39:00.003+08:00

出左門一排, 星期六急不及待要見下仔仔. 契仔媽提議入數碼港行下, 細契同我當然立即和應啦, 我仲吾嗱嗱啉帶埋架餐待侯!
去到個時, 哥哥一見到我就笑, 搞到我直頭想吞左佢落肚. 看著小朋友每天的成長, 令人感到不得不與時間競賽...以前覺得歲月迫人係古人說話, 但係同佢地玩完一個下午立即知錯.

BB緣

2007-11-02T17:22:00.001+08:00

我一直都信自己與bb/小孩有種特別化學, 可能我個樣似加菲貓 (都幾得意o家!!), 加上自己就係超級大細路一名, 有時比d細路仲頑皮(童心啫), 所以同d小朋友都幾啱key. 最好笑早兩晚哈囉喂, 我夜晚係屋企寫緊blog時比小朋友選中trick or treat, 但我家中無糖, 咁我咪唯有揾野笠住個頭只開門嚇番佢地轉頭囉! 跟住同佢地講, 一人一次, 打和, 拜拜!

另外個日飲阿bb仔個餐滿月酒咁, 我一抱佢就開眼, 仲含情脈脈咁望住我tim.

窩心的眼神

2007-11-02T16:02:00.001+08:00

昨夜連同契仔媽帶住2個仔出街食反, 我同細契好勇咁話吾使阿賓都ok. 同哥哥著左件形仔jumper, 一放佢係car seat, 己經感覺到迫爆, 之但係見佢繞哂腳, 就當佢ok囉. 哥哥真係麻麻地出街, 一上車吾理3721就hop著左.

相反細佬就好雀躍, 不停咁扭來扭去. 就係我地自覺一切在掌握之時, 大約開車5分鐘後就出事. 細佬開始不耐煩, 我從細契手中接過佢, 諗住比個大d既窗佢望就ok, 點知佢越喊越淒涼, 攪到塊臉仔都紅哂...說實的, 那一刻我心都赤埋, 點搞都吾得, 好彩車程吾算長, 契仔媽一接手就無事啦!
坐低食反時, 細佬可能喊到倦, 食食下餅仔竟然瞓著左...嘻嘻!

食到一半, 大哥瞓醒左, 一見到我地就係到笑, 嘩我個心都甜哂啦. 跟著我就將佢放係我隔離, 點知佢遞隻手黎要我比隻手指佢楂住, 跟住成程望住我食野...嘩仲邊暑食得落呀, 嗱嗱淋就抱起佢啦!

又大個左

2007-10-20T21:46:00.001+08:00

成兩星期無去探阿仔, 心掛掛, 早兩日一落機就捉左阿細契陪我上仔仔屋企. 一如期待, 佢地兩個又大左, 大佬就成個長哂, 而細佬就連個樣都成熟左. 雖然咁耐未見, 反而佢地今次又吾係大認人喎, 一見到我地就笑哂, 搞到我d倦意一消. 大細佬剛渡過左6個月生日, 兩個都曉得反轉再反轉, 第一眼望入屋時, 佢地自己坐左係地下一齊玩, 笑咪咪咁望住我地...嘩!嚇左我一跳, 到我抱佢地上手時, 更加發覺吾係小野, 感覺已經吾係抱著個bb, 而係一個小孩囉. 搞到我呵完大佬睡覺之後, 我都想陪佢一齊瞓番陣.
最得意係細佬對腳明顯比哥哥硬正, 但就吾係好企; 相反, 哥哥就不停咁要企, 仲好爭取每個借力的機會添, 睇嚟哥哥都係似我, 8-9個月已經識行囉.

BB Day

2007-10-09T14:40:00.001+08:00

上星期日對我來說, 名符其實為bb日 - 先與小Sabrina飲荼, 然後探仔仔...散哂!

踏入第34天做人, Sarbina跟家人嘗過第一次的飲茶, 最重要還是讓太婆抱抱; 四週的喧嘩聲並沒有把Sarbina嚇到, 反而像催眠曲般令她越睡越甜! 最有趣是在疊正(4小時)相隔飲奶的時間就自然的醒了,叫了一聲, 然後就眼仔碌碌的四圍望…哈, 一個月人仔不知在找怎麼?

之後約咗細契去探仔仔, 嘩無見個幾星期, 2個仔又老積左d. 起初我地都擔心佢地會吾認得我地, 但完全出於意外, 我直頭feel到佢地係度期待我地添!
細佬果日都搞笑, 自己瞓响度都傻笑一餐!

好掛住d bb

2007-10-04T17:17:00.001+08:00

約埋細契要週未先有空探仔仔...唯有偷偷看啦! 見到佢望住電視個傻豬樣...讚!

契仔媽: 聽落好似係新歌喎. 話說我上星期去朋友家中睇/聽見Twins姐姐隻兒歌...well...連廣東話都充滿懶音,更莫說英文...

細契: 哥哥勁活躍,又企又轉身, 倆兄弟一齊玩的時候十分過癮

bb笑笑

2007-10-03T16:55:00.001+08:00

好掛住仔仔tim...唯有望梅止渴

香港公園10分鐘

2007-09-24T11:47:00.001+08:00

成個幾星期無見個契仔,終於等到星期六帶佢到去街; 起初大家都好惆悵吾知去邊...動植物公園?香港公園?海洋公園? 最後一行7人(大兩少和五個跟班)去咗香港公園, 我就好開心啦, 因為天氣不錯陽光又好, 再加上自己都好耐無去呢d咁正氣既地方, 見到好多影友係度攞景, 我都吾執輸, 拿拿聲同兩位公子揾位攞影....點知連一個shot都未拍已經...

吾知係未幫大細b著得太多衫, 只見佢地成身汗又無哂笑容...嚇到我地立即轉戰PP high tea! 就係咁就結束左呢次香港公園10分鐘遊啦!

講開又講, 個幾星期無見已經覺得佢地大個左好多, 諸位Uncle and Auntie, 快d去探下佢地啦!

新成員

2007-09-21T17:33:00.001+08:00

大家好! 我係B仔仔, 即係阿B仔個仔, 重3.5KG.
係我未出世既時候,爸爸D同事已經賭我係仔定女; 到知我有小鳥的時候又賭我幾重...哎呀!吾知第日佢地又會賭咩呢?

D大人好嘈

2007-09-17T11:15:00.001+08:00

hello,my name is Sabrina,今日啱啱好兩個星期大...吾知點解,我好鍾意瞓覺,但又成日肚餓; 早兩日屋企好多人好嘈, 我都睇吾清楚佢地,但個個係咁哄個頭去我度都吾知做咩?仲有個話係我表姨既物體不停係度tickle同想整醒我,係要我望住佢...我就費事理佢繼續瞓!

同場介紹:小lucky

食物看性格

2007-09-10T13:28:00.001+08:00

上星期六契仔媽預備左"桃味"糊仔比我同細契餵仔仔,我地兩個大人一拿上手已經wear哂口,因為d味好怪! 細佬先試,第一啖落口只見佢眼耳口鼻yung埋一齊,可想像平時的奶奶幾淡口; 到大哥時,情況一樣仲加埋成個人向後仰tim. 唯一分別係大哥將全數"桃糊"吐番出嚟,而細佬就越食越滋味,不但食哂成碗,仲好係想食埋哥哥個份tim. (難怪細佬個身形越追越近)

從糊仔事件中,我想細佬應該是比哥哥較為願意接受新事物. 當然從他們平時的舉止也能略估一二,大哥是較温柔及內向; 相反細佬就較活潑及鬼馬呢! 不妨留意這張細佬在他女朋友手中及哥哥自己在傻笑的照片.

新生命

2007-09-04T10:47:00.001+08:00

最近多了很多bb出生,昨晚探訪了第一天報到的Sabrina,8.7lbs名符其實的巨B. 可想像她媽媽在懷孕期間所受的磨練!除了她超SIZE的身驅外,她那頭濃密的頭髮配合在2個大大的面珠仔也令大家笑逐顏開.

溝通

2007-09-03T11:55:00.001+08:00

昨日如常和細契去探契仔仔,大哥開始變得扭計, 反而細佬就陪足我地成個下午...我仲帶左佢去樓下睇龜添,不過我覺得佢好似驚多過found them interesting!尋日都幾好笑,一群auntie沖上去嚇到契仔爸走都走吾切...hehe

回家途中不禁想到與bb溝通這回事,在小孩未能用"成人語言"之前,很多時我們會將認定的理由放諸他們上面,例如突然的哭泣,我們總是想到"飲奶或換片",當然小孩的思想是比較簡單,但也不能否定有其他要求吧! 小孩的成長都是建基於對新事情/物的接觸,亦會比我們來得敏感,也許我們還可向他們學習! 反觀我們這些"大人"旳sensitivity又去了那裡?我們真的懂得溝通嗎?老實說,很多時我也覺得自己詞不達意,又或是不能完全接收對方呢?

大細契 vs. 大細賓

2007-08-28T22:13:00.001+08:00

話說我同細契上星期六又襯無皇管去探大細佬...
大佬起初也沒有什麼異樣,但玩玩下佢竟然失控咁喊,仲要係好淒涼個隻...最後當然係賓賓陣除先令佢安然入睡. 反而細佬個日fit到爆,又靚仔又好笑容...搞到我地有番d信心;
細契:我地算吾算1比1打和呢?

無皇管

2007-08-20T13:59:00.001+08:00

昨日我和細契又走上去探大細佬,如過往不同的是, 契仔媽竟然出左街 - 我地變咗無皇管!
一如過往,我同細契起得身都成點,諗住食d野先上去,點知阿契仔媽打黎吹...好奇之下一問,原來佢趕住做facial! 等我地狼吞虎嚥食哂d野就飛的上去,最妙係佢等吾切我地已經走咗...契仔媽,你先吾好誤會,我地絶對樂意咁做,就以昨日來說,只是行來行去,餵下奶,換下片區區4個鐘,已經令我在回程的巴士上睡著了.
算實的,我每星期也起碼見他們一次,而我發覺小孩的成長速度也確是驚人. 哥哥當然是360度全面發展(但又吃得比細佬少?), 而細佬也長大了很多. 我想他們的吸收力真夠和大細契比. 最厲害還算細佬在14週已開始出牙?!真難以想像遲d佢發牙痕要咬我地點算.
吾係偏心,哥哥咁橋係廰瞓,又咁橋比我影到...佢瞓瞓下會自已傻笑呢....Kawaii
講開又講,佢地真係開始認人呢! 不過認人吾等如認我地,只不過係一定認到賓賓啫.
咁多位uncle & auntie,得閒就要蒲下頭啦...

Special Request

2007-08-16T15:40:00.001+08:00

終於被俏皮auntie的誠意打動......登登登登....Auntie Eva正式登場

(好明顯細佬係無你咁好氣囉)

認人啦

2007-08-16T13:53:00.001+08:00

好明顯倆兄弟開始認人,正確地說是不認得我地....
俏皮auntie早兩日約好話尋晚一齊去探仔仔,我地一行5人無懼風雨就走左上契仔媽的家,同佢地又玩,又喊,又tum...不停地擾擾攘攘就搞左幾粒鐘. 真有d吾好意思. 最搞笑就係9個大人,咪諗住叫外賣啦,貫徹我地一向眼濶肚窄的傳統, 反反覆覆落咗3次單, 又pizza hut又KFC, 最後大家個肚就裝左:
3個大pizza, 2盒反, 1盒意粉, 4盒小食加13隻雞塊...!
吾好講笑,就連2個賓賓見到我們d野食都係咁話飽..哈哈..諗下又真係有d過火.
不過講番轉頭,仔仔真係開始認人了,佢地而家至老死就係阿賓賓,睇黎下次我同阿細契都要哂黑d同埋對住佢地講d吾鹹吾淡既英文先得啦.

第一次轉身

2007-08-13T12:34:00.001+08:00

聽見契仔媽說細佬己經可以自己轉身(約在16週),又開始出牙仔. 我不感想呢一代的兒童是否真的這樣超級成長?那為什麼其他年紀的人卻停止進化呢?

星期六去了探訪2位契仔,正想著大哥那招牌傻笑之際,發現超級鬼馬的Auntie Eva (and Uncle Henry)已經到達. 我在她手中接個大佬的時候,他竟然不停地哭 (說實..也是幾難得..hehe), 原來鬼馬的Auntie Eva又一次把他從熟睡中攪醒...而這次的惡果就讓我碰個正. 最後當然由契仔媽出馬,用她的温柔及母愛重新哄他入睡.

而當日的細佬, 完全沒有扭計及全程笑口常開 - 讚

在大哥睡過來後,我當然不會輕易放過他...大哥亳無返抗力下就比我地...hehe..迫佢轉身...超級可愛之餘,契仔媽...我想大哥真的要減少少肚腩囉!

First Typhoon - 帕布

2007-08-10T16:31:00.001+08:00

First Typhoon of their lives...
16週的大細佬,第一次親歷到颱風的來臨. 帕布,一個"只不過是"颱風的名稱,在他們的生命中就有了另一番意義. 他們亦是太小去明白颱風是什麼一回事. 回想小時候,每當颱風襲港時,除了可以打正旗號逃學之餘,就是落街玩水. 長大一點了,就開始意識到颱風帶來的副產品:如山泥傾瀉,水患等等的天災. 也許這就是成長的代價,很多的事情也只用理性去處理,而忘記了天真帶來的喜悅...說實話,我也真的有衝動落街玩水呢!

契仔媽: 你也許可以替兄弟倆拍些"第一個颱風"照留念

First 街街

2007-08-10T11:14:00.001+08:00

尤記得第一次帶大佬落街的情景: 賽西湖四小鳳陪大公子出巡百佳...
我把第一關: 由家中去百佳,短短5份鐘的路程完全變成一個障礙賽般,沿途的暗斜位,樓梯,路人及狗狗令我把他抱得更實,好讓我用自己的身體去保護他..那種感覺好像以前保護新相機般. Guess沒有經驗過也是不能領悟這種責任式的愛.
最過癮是當我們如危機處理般與哥哥出街時,他只是眼仔碌碌對著我們傻笑...不知他是否也能感受到我們對他的溺愛?

First Home Visit - June 18, 2007

2007-08-09T16:39:00.001+08:00

Kanas, Jackie, Amy and I, 四位aunties於bb2個月大的時候,作了第一次的家訪. 老實說,醫院的接觸已變得有點模糊,只記得2個小小的身體...都吾記得佢地有否正眼望過我tim! 去到老友家時才發現 "They were not small anymore" 特別是大佬,正頭係"嘩肥肥白白好可愛"個種,2兄弟相差才一份鐘,竟然相差成個碼...如果大佬再早d, 咪....諗起都開心! 近半年的喜事,真是一浪接一浪, 我地個八婆group不斷長大,繼d男朋友們出現,轉眼又到d babies.好記得當日我分別與3個bb 有interaction, 仲感覺好特別,可能我已經無做細路好耐,但跟bb相處後,我覺得好warm,簡直將內心d愛泛哂出黎. 回家後諗下諗下,結論係: 雖然牛高馬大,但我心底係一個沒有成長個o既豆釘. 最神奇係跟住個幾日,個心囉囉luen,成日攞部相機睇番2個bb仔d張,真係吾對路....結果...咪膽粗粗走去同人地阿媽講要契左佢地囉!

First Encouter

2007-08-09T16:31:00.001+08:00

Remember the very first time I met the boys, April 22 Sunday -

the first Sunday of their lives. I was really excited to meet the new born, they both look so small from my side of the glasses, even a bit fragile on Sai Lo. Wondering what they see from the other side of the glasses?Seeing the new lives made me think how awesome God is.